Mae cyrff yn paratoi Cynlluniau Iaith Gymraeg statudol sy’n egluro pa wasanaethau sydd ar gael yn Gymraeg.
Rhai mathau o gyrff y gallwch ddisgwyl derbyn gwasanaethau Cymraeg ganddynt:
- Cyngor sir
- Ysbyty lleol
- Yr heddlu
- Canolfan waith leol
- Llysoedd
- Coleg addysg bellach neu brifysgol
Fel arfer, gallwch ddisgwyl derbyn y gwasanaethau canlynol yn Gymraeg:
- Gwasanaethau ffôn e.e. wrth ffonio i holi am y dreth gyngor, wrth wneud apwyntiad yn yr ysbyty, wrth gysylltu â’r heddlu, wrth ffonio llinellau cymorth sydd wedi eu hysbysebu
- Gwasanaethau wyneb yn wyneb e.e. wrth fynychu apwyntiadau iechyd, wrth ymweld â llyfrgell neu ganolfan hamdden leol, wrth gael cyfweliad ar gyfer ceisio am basbort, wrth fynychu cyfweliad am swydd
- Llythyrau e.e. wrth dderbyn llythyr cyffredinol neu lythyr personol sydd wedi ei gyfeirio atoch chi
- Ffurflenni e.e. wrth dderbyn ffurflen i’w llenwi er mwyn gwneud cais am drwydded deledu neu bleidlais bost
- Gwefannau a gwasanaethau rhyngweithiol e.e. wrth wneud cais ar-lein am basbort neu drwydded yrru, wrth lenwi ffurflen gofrestru electronig ar gyfer etholiad neu i dalu’r dreth gyngor
- Cyfarfodydd cyhoeddus e.e. wrth fynychu cyfarfod sydd wedi’i drefnu gan yr heddlu lleol
Fel arfer dylech gael cynnig gwasanaeth Cymraeg heb i chi orfod gofyn amdano, ac fe ddylai’r gwasanaeth Cymraeg a Saesneg fod ar gael i’r un safon. Dylech dderbyn gwasanaeth Cymraeg yn ddidrafferth. Os ydych yn ei chael hi’n anodd derbyn gwasanaeth Cymraeg, yna mae modd cwyno.
Darllenwch ‘Sut i wneud cwyn’ i weld y camau dylech gymryd i wneud cwyn.
< Nôl i brif tudalen cwyno