Cystadleuaeth Posteri

“Mae help ar gael gyda gwaith cartref yn Gymraeg”. Yr her oedd cyfleu’r neges hon ar boster, ac roedd gan ddisgyblion o Gymru benbaladr syniadau creadigol iawn ar sut i roi gwybod i’w ffrindiau a’u rhieni am fodolaeth y Llinell Cefnogi Gwaith Cartref.

Bethan Thomas, disgybl ym Mlwyddyn 9 yn Ysgol Gyfun Dyffryn Taf, Sir Caerfyrddin gipiodd y wobr gyntaf am ddylunio poster ar gyfer disgyblion uwchradd. Mae poster Bethan yn dangos ôl dychymyg byw ac mae hi wedi defnyddio logo’r Llinell wrth dynnu lluniau’r disgyblion a’r athro.  

 Amelia Kelly, disgybl ym Mlwyddyn 6 yn Ysgol Plas Coch, Wrecsam ddaeth yn fuddugol yn y gystadleuaeth ar gyfer disgyblion cynradd. Mae poster Amelia yn denu sylw ac yn lliwgar iawn. Drwy ddefnyddio cymeriadau cartwn cyfeillgar, mae Amelia wedi llwyddo i gyfleu pa mor hawdd yw cael help gyda gwaith cartref yn Gymraeg.

Llongyfarchiadau mawr i’r ddwy! Gobeithio y cânt hwyl wrth ddefnyddio eu ipods newydd sbon. Llongyfarchiadau mawr i’r ddwy ysgol hefyd ar ennill y tocynnau llyfr. Mae’r posteri wedi cael eu cynhyrchu a byddant ar gael o stondin y Bwrdd ar faes Eisteddfod yr Urdd Caerdydd ym mis Mai 2009.

Daeth nifer o bosteri eraill hefyd yn agos at y brig yn y gystadleuaeth ar gyfer ysgolion uwchradd. Cafodd y posteri yma eu cynllunio gan:

Brandon, Bl 7, Ysgol y Gwendraeth   Abigail, Bl 8,Ysgol y Gwendraeth
Lowri, Bl 8, Ysgol y Gwendraeth         Sioned, Bl 9, Ysgol Friars
Rhydian, Bl 8, Ysgol Dyffryn Taf        Olivia, Bl 9, Ysgol Friars
Sophie, Bl 7, Ysgol Bro Ddyfi              William, Bl 9, Ysgol Dyffryn Taf
Lowri, Bl 7, Ysgol Bro Ddyfi                 Carmen,Bl 7,Ysgol Dyffryn Taf
Cafodd y posteri gorau gan ddisgyblion cynradd eu creu gan:
Gwion, Ysgol Ro Wen, Conwy                Ieuan, Ysgol Llanafan
Elen, Ysgol y Ganllwyd                       Natalie, Ysgol Penysarn
Angharad, Ysgol Gyn. Llangeitho       Dewi, Ysgol Penysarn
Charlotte,Ysgol Gyn. Gym. Abercynon  Catrin, Ysgol Plas Coch