Mae mwy o gyfleodd ar gael i chi ddefnyddio technoleg yn Gymraeg nag erioed o’r blaen. Mae’r dudalen hon yn cynnwys rhagor o wybodaeth am sawl un ohonyn nhw, ac os ydych am wybod rhagor, darllenwch Technoleg Gwybodaeth a'r Iaith Gymraeg: Dogfen Strategaeth.
Pecynnau Rhyngwyneb Iaith Microsoft Office a Windows
Mae'r Bwrdd wedi gweithio mewn partneriaeth gyda Microsoft ers nifer o flynyddoedd, ac o ganlyniad, mae pecynnau rhyngwyneb Cymraeg ar gael yn rhad ac am ddim i Microsoft Windows XP a Vista ac Office 2003 a 2007. Cliciwch ar logo Microsoft i'w llwytho i'ch cyfrifiadur.
Switsiwch i Gyfrifiadur Dwyieithog!
Mae’n Canolfan Rheoli Iaith, sydd ar gael yn rhad ac am ddim, yn eich galluogi i newid yn hawdd rhwng y Gymraeg a’r Saesneg ar ryngwyneb sawl rhaglen ar eich cyfrifiadur. Mae’n ddelfrydol ar gyfer cartrefi a gweithleoedd dwyieithog gan ei bod yn galluogi pobl sydd â gwahanol allu ieithyddol i ddefnyddio eu dewis iaith ar yr un peiriant. Mae hefyd yn cynnwys sawl tiwtorial. Mae fersiynau ar gael i Windows XP a Windows Vista, ill dau yn rhad ac am ddim. Dewiswch y fersiwn priodol o dan 'Cyhoeddiadau' ar ochr dde'r sgrin.
Offer gwirio gramadeg/sillafu & geiriaduron
Mae 'Cysgliad' sy'n cynnwys CySill (rhaglen i wirio gramadeg a sillafu yn Gymraeg) a hefyd 'Cysgeir' sy'n eich galluogi i ddod o hyd i eiriau yn y naill iaith neu'r llall o'ch rhaglen proses geiriau. Mae fersiynau ar gael ar gyfer PC a'r Macintosh.
Mae'r fersiwn ar gyfer Mac ar gael yn rhad ac am ddim, fel y bydd pob cynnyrch cyfrifiadurol y bydd y Bwrdd yn ei ariannu o hyn allan. Cliciwch ar y logo perthnasol er mwyn cael rhagor o wybodaeth.
SwyddfaAgored/OpenOffice
Rydym wedi ariannu prosiect i greu fersiwn dwyieithog o SwyddfaAgored/OpenOffice. Cewch wybod hanes llawn y prosiect ar wefan Agored drwy g
licio ei logo.
Meddalwedd Rydd yn Gymraeg
Mae llawer iawn o wybodaeth am feddalwedd rydd yn Gymraeg gan gynnwys OpenOffice, ar gael ar safle gwe Meddal. Cliciwch ar y logo er mwyn cael gwybod rhagor.
Gosod y Safon ar gyfer Technoleg Amlieithog
Ddim yn gwybod sut mae cynhyrchu meddalwedd neu wefan sy'n cynnig dewis iaith clir a phlaen? Mae'n hawdd ac mae digon o gymorth ar gael. Yr unig beth sydd angen ei wneud yw darllen ein Canllawiau a Safonau ar gyfer Meddalwedd Dwyieithog, ac ymhen dim byddwch yn barod i roi tro ar gynhyrchu popeth yn ddwyieithog! 
Meddalwedd Cyfieithu
Mae rhai rhaglenni cof cyfieithu ar gael sy’n hwyluso'r broses o gyfieithu ailadroddus, a cheir disgrifiad llawn o nodweddion Cof Cyfieithu yn ein Dogfen Strategaeth (Gweler ddolen Technoleg Gwybodaeth a'r Gymraeg: Ddogfen Strategaeth ar ochr dde'r sgrin)
Rydym hefyd wedi comisiynu Astudiaeth Dichonolrwydd ar Gyfieithu Peirianyddol: mae'r Adroddiad Terfynol ar gael yn ein hadran Gyhoeddiadau
Rhagor o wybodaeth
Ewch i’n hadran gyhoeddiadau ar ochr dde'r sgrin am restr lawn o’n holl ddogfennau, strategaethau a dogfennau cymorth sy’n ymwneud â maes technoleg gwybodaeth a'r Gymraeg.