Brasgamodd yr iaith Gymraeg i faes technoleg gwybodaeth heddiw (Mercher) wrth i Fwrdd yr Iaith Gymraeg a Microsoft ddatgelu eu Pecynnau Rhyngwyneb Cymraeg ar gyfer Windows XP ac Office 2003.
Mae'r cynllun ar y cyd yn golygu o hyn ymlaen, bydd pobl sy'n defnyddio cyfrifiaduron yn gallu dewis cael eu gorsafoedd gwaith yn Gymraeg, a gyda technoleg gwybodaeth yn chwarae rhan mor amlwg yn ein bywydau bob dydd, bydd cael Windows XP ac Office 2003 yn Gymraeg yn sicr o gynyddu'r cyfleoedd i ddefnyddio'r Gymraeg.
Wrth siarad yn ystod y lansiad dywedodd Meri Huws, Cadeirydd Bwrdd yr Iaith Gymraeg:
"Heb os mae hwn yn ddatblygiad allweddol i'r Gymraeg ac yn cadarnhau bod yr iaith yn gyfoes, perthnasol a defnyddiol. Mae cael rhaglenni cyfrifiadurol cyfarwydd fel 'Word' ac 'Outlook' yn golygu bydd yna fwy o gyfleoedd i bobl o bob oed i ddefnyddio'r Gymraeg yn eu bywydau bob dydd, boed hynny yn y gwaith neu yn y cartref."
Gyda dyfodiad y Pecynnau Rhyngwyneb Cymraeg mae'r Gymraeg yn ymuno gyda ieithoedd cyfrifiadurol eraill megis Hindi, Gwyddeleg a Maori. Mae'r cyfieithiad Cymraeg yn defnyddio geirfa syml, cyffredin gan osgoi termau cymhleth. A gyda'r holl dewisiadau a gweithgareddau fel 'file' a 'save as' yn yr un safleoedd â'r Saesneg bydd hi'n ddigon hawdd arfer gyda Windows ac Office 2003 yn Gymraeg.
Mae'r Pecynnau Rhyngwyneb Cymraeg yn ganlyniad partneriaeth pymtheg mis rhwng y Bwrdd a Microsoft gyda chymorth arbenigol cwmni cyfieithu Cymen a chwmni technoleg Draig, ynghyd â Chanolfan Bedwyr, Prifysgol Cymru, Bangor.
mwy/
Dywedodd Terry Smith, Uwch Gyfarwyddwr Sector Gyhoeddus Microsoft UK:
"Mae'r Pecynnau Rhyngwyneb Cymraeg hyn yn newyddion ardderchog i holl ddefnyddwyr cyfrifiaduron ac yn tanlinellu ymrwymiad Microsoft i wneud meddalwedd yn hygyrch i bawb. Wrth i dechnoleg gwybodaeth gynyddu dros y byd mae'n holl bwysig bod defnyddwyr cyfrifiaduron yn gallu blasu technoleg newydd a hynny yn eu iaith eu hunan.
Mae'r meddalwedd ar gael i'w llwytho yn rhad ac am ddim o wefannau Bwrdd yr Iaith Gymraeg a Microsoft ac ar gryno-ddisgiau o Fwrdd yr Iaith Gymraeg
Wrth groesawu'r meddalwedd dywedodd y Gweinidog dros Ddiwylliant, yr Iaith Gymraeg a Chwaraeon, Alun Pugh,
“Mae lansio Windows yn Gymraeg yn garreg filltir bwysig yn hanes yr iaith ac yn rhan o weledigaeth Llywodraeth Cynulliad Cymru o Gymru ddwyieithog. Mewn byd gynyddol eang mae'n galonogol fod cwmnïau mawr yn gweld pwysigrwydd hyrwyddo ieithoedd a diwylliannau amrywiol. Llongyfarchiadau mawr i Fwrdd yr Iaith Gymraeg a Microsoft ar eu gwaith caled i ddod a'r Gymraeg i'n cyfrifiaduron."
DIWEDD
Nodiadau Golygyddol
Mae'r pecynnau Rhyngwyneb Cymraeg ar gael o:
Wedi ei sefydlu ym 1975, Microsoft (Nasdaq "MSFT") yw'r arweinwyr byd-eang mewn meddalwedd, gwasanaethau ac atebion sy'n helpu pobol a busnesau i gyflawni eu holl potensial.
Partneriaid Microsoft yn y lansiad yma yw: Cymen, Draig, Siemens, Cap Gemini,Distinction, Computacentre a Pugh
Am wybodaeth pellach
Meleri Evans 07977 219395 Swyddog y Wasg, Bwrdd yr Iaith Gymraeg
Olly Scott 020 7344 1276 Edelman Llundain i Microsoft