Nod, cylch gorchwyl a chyfrifoldeb
Nod y Panel Cwynion ac Ymchwiliadau Statudol yw sicrhau gwell gweithrediad cynlluniau iaith, drwy lunio argymhellion i adroddiadau statudol o dan y ddeddf, fydd yn gwella ystod neu ansawdd gwasanaethau Cymraeg a dwyieithog.
Bydd y panel yn cwrdd yn ôl y galw i ystyried:
- casgliadau adroddiadau ymchwiliadau adran 17 ac i lunio argymhellion statudol;
- trefn gwynion y Bwrdd a chwynion gan y cyhoedd;
Y panel yma sydd yn gwneud argymhellion o dan Adran 19, Deddf yr Iaith Gymraeg 1993, yn sgil derbyn adroddiadau ymchwiliadau a gyflwynir gan swyddogion y Bwrdd. Bydd y Panel Cwynion ac Ymchwiliadau Statudol yn gweithredu yn unol â’r egwyddorion canlynol:
- gyda hygrededd, tegwch, gonestrwydd;
- yn gweithredu ar sail yr hyn sy’n rhesymol gan ystyried popeth perthnasol a dim byd amherthnasol;
- yn arddangos parodrwydd i herio canfyddiadau wrth wyntyllu tystiolaeth;
- dod i benderfyniadau ar sail yr wybodaeth ffeithiol yn wrthrychol a di-ragfarn;
- gweithredu gydag annibyniaeth barn, heb fod o dan ddylanwad partïon eraill, amgylchiadau o gylch yr achos nac unrhyw bwysau - boed yn bwysau cyhoeddus neu fel arall;
- heb gyfaddawdu egwyddorion Deddf yr Iaith Gymraeg 1993.
Mae 5 aelod o Fwrdd yr Iaith Gymraeg yn aelodau’r panel sef
- Marc Phillips
- Gwyneth Morus Jones
- Elin Wyn
- Catherine Rees
-
Owen Evans
Gellir canfod gwybodaeth bellach am yr aelodau ar ochr dde'r sgrin drwy glicio ar 'Pwy yw aelodau'r Bwrdd'
Penderfyniadau
Ni fydd y canlynol yn cymryd rhan yn y broses o lunio argymhellion na’r drefn o wneud penderfyniadau:
- swyddog sydd wedi bod yn rhan o baratoi adroddiad yr ymchwiliad sef swyddog datblygu a fu’n drafftio’r adroddiad a chasglu tystiolaeth; Arweinydd Uned sy’n rhan o’r gadwyn reoli ac yn gyfrifol dros sicrhau ansawdd yr ymchwiliad ac yn cadw gorolwg uniongyrchol dros yr ymchwiliad ei hun;
- Cyfreithiwr neu unigolion proffesiynol, megis ymgynghorwyr preifat;
- Unrhyw un sydd â diddordeb, a allai, yn sgil hynny, ddylanwadu ar yr argymhellion.