Mae gwahanol fathau o ysgolion cynradd cyfrwng Cymraeg a dwyieithog wedi datblygu mewn gwahanol rannau o Gymru.
Y Gymraeg yw’r prif gyfrwng bywyd a gwaith yr ysgolion hyn, a’u nod yw meithrin plant sydd â sgiliau ieithyddol addas ar gyfer eu hoedran yn Gymraeg ac yn Saesneg erbyn iddynt adael yr ysgol gynradd.
Yn gyffredinol, yn y siroedd hynny o Gymru gyda’r garfan uchaf o siaradwyr Cymraeg ceir ysgolion cynradd traddodiadol Gymraeg. Yn aml gelwir y rhain yn ysgolion dwyieithog.
Mewn ardaloedd eraill ceir ysgolion cynradd penodedig Cymraeg.
Yn yr ysgolion Cymraeg a dwyieithog hyn dysgir disgyblion drwy gyfrwng y Gymraeg yn unig yn yr adran fabanod.
Yng Nghyfnod Allweddol 2 mae’r Gymraeg yn parhau fel y prif gyfrwng addysgu. Dysgir Saesneg fel pwnc, yn ogystal â rhai agweddau o bynciau eraill.
Mae’r ffaith fod rhieni’n galw am fwy eto o ddarpariaeth Gymraeg a dwyieithog yn profi mor llwyddiannus yw’r addysg sydd ar gael ynddyn nhw.