Mae Bwrdd yr Iaith Gymraeg yn gorff statudol a noddir gan Lywodraeth Cynulliad Cymru. Fe’i sefydlwyd yn Rhagfyr 1993, fel rhan o Ddeddf yr Iaith Gymraeg 1993. Ei brif swyddogaeth yw hyrwyddo a hwyluso defnydd o’r iaith Gymraeg. 

NOD – Gweithio er lles a dyfodol yr iaith Gymraeg

Ein gweledigaeth yw gweld:

1. Cymru cwbl ddwyieithog lle mae’r Gymraeg a’r Saesneg yn cael eu trin yn gyfartal
2. Cynnydd yn nifer y bobl sy’n dewis defnyddio’r Gymraeg ymhob rhan o’u bywydau
3. Pobl Cymru yn parhau i ymfalchïo a bod yn hyderus i ddefnyddio’r Gymraeg
4. Rhieni’n trosglwyddo’r iaith ac/neu’n annog eu plant i ddefnyddio’r Gymraeg
5. Ffyrdd haws i ddysgwyr ddysgu’r Gymraeg 
6. Y Bwrdd yn parhau i arloesi, arbenigo ac arwain ym maes cynllunio ieithyddol yng Nghymru ac yn fyd-eang, ac yn seilio’i weithgareddau ar dystiolaeth

Rydym hefyd yn gweithio mewn partneriaeth â chyrff sector cyhoeddus, busnesau preifat a sefydliadau trydydd sector (cyrff gwirfoddol), ac yn cynnig cyngor ac adnoddau i helpu darparwyr gwasanaethau i roi dewis iaith naturiol i’w cwsmeriaid.