Pwy yw Aelodau'r Bwrdd?

Penodir aelodau'r Bwrdd yn unol â’r drefn a argymhellwyd gan y Pwyllgor ar Safonau mewn Bywyd Cyhoeddus (Pwyllgor Nolan).

Cafodd Meri Huws ei phenodi'n Gadeirydd y Bwrdd fis Awst 2004 a chyn hynny bu'n aelod o'r Bwrdd rhwng 1993 a 1997. Fe'i hailbenodwyd ym mis Ebrill 2007.

Yn enedigol o Gaerfyrddin, derbyniodd ei haddysg yn Ysgol Uwchradd Abergwaun cyn mynd ymlaen i astudio'r Gyfraith a Gwleidyddiaeth ym Mhrifysgol Cymru, Aberystwyth, ac yna i astudio ym Mhrifysgol Rhydychen.

Wedi dychwelyd i Gymru, treuliodd beth amser fel Gweithiwr Cymdeithasol yn Sgubor Goch, Caernarfon, ac yn ystod y cyfnod hwn bu'n Gadeirydd Cymdeithas yr Iaith rhwng 1981 a 1983.

Oddi yno aeth i ddarlithio i'r Coleg Normal ym 1984, Prifysgol Casnewydd rhwng 1989 a 1997, cyn symud i Swyddfa Academaidd Prifysgol Dinas Dulyn hyd 1999.

Bellach mae Meri Huws yn Is-Ganghellor Prifysgol Cymru, Bangor.

Mae Meri Huws yn aelod o'r Blaid Lafur.

Meri Huws, Cadeirydd y Bwrdd

Mae’r aelodau'n cynrychioli ystod eang o’r sbectrwm gwleidyddol, o gefndir amrywiol, ac yn cynnig arbenigedd a phrofiad perthnasol mewn meysydd o ddiddordeb mawr i’r Bwrdd:

Cynllunio ieithyddol
Addysg a hyfforddiant
Darlledu
Cyfryngau newydd
Rheolaeth busnes ac ariannol
Byd iechyd

--------------------------------------------------------------------------------

Nick Bennett

NICK BENNETT

Nick Bennett yw Prif Weithredwr Cartrefi Cymunedol Cymru. Mae’n Aelod o Bwyllgor Ymgynghorol Ofcom dros Gymru.

--------------------------------------------------------------------------------

Owen Evans

OWEN EVANS

Yn wreiddiol o Aberystwyth, Owen Evans yw Pennaeth Polisi a Chyfathrebu BT Cymru.
--------------------------------------------------------------------------------

Huw Jones

HUW JONES

Huw Jones oedd Prif Weithredwr S4C rhwng 1994 a 2005. Yn wreiddiol o Gaerdydd ond mae wedi byw a gweithio am nifer o flynyddoedd yng ngogledd-orllewin Cymru cyn cychwyn gyda S4C.

---------------------------------------------------------------------------------

Arun Midha

ARUN MIDHA

Penodwyd Arun Midha i'r Bwrdd ym mis Ebrill 2000, ac fe'i ail-benodwyd am gyfnod pellach o dair blynedd yn 2003.

Cafodd ei fagu yn Nhrêgwyr ger Abertawe, ac mae bellach yn byw yng Nghaerdydd.

Dysgodd Arun Midha Gymraeg yn oedolyn, ac mae'i wraig a'i blant hefyd yn siarad Cymraeg.

Mae'n Gyfarwyddwr Busnes a Chynllunio yn Ysgol Addysg ôl-raddedig Feddygol a Deintyddol, Coleg Meddygol Prifysgol Cymru. Bu'n gweithio hefyd i Fanc Lloyds ac Awdurdod Hybu Iechyd Cymru.

Mae Arun Midha yn aelod lleyg o’r Cyngor Meddygol Cyffredinol, yn gyfarwyddwr anweithredol o Ymddiriedolaeth Ambiwlans Cymru, ac yn Ynad Heddwch yn Llys Ynadon Caerdydd.

-------------------------------------------------------------------------------------

Gwyneth Morus Jones

GWYNETH MORUS JONES

Mae Gwyneth Morus Jones yn byw yn Llandegfan, Ynys Môn. Mae wedi gwasanaethu fel Llywydd Cenedlaethol Merched y Wawr a Chadeirydd Mudiad Ysgolion Meithrin.

-------------------------------------------------------------------------------------

Marc Phillips

MARC PHILLIPS

Penodwyd Marc Phillips i'r Bwrdd ym mis Ebrill 2003.

Mae'n gweithio fel Trefnydd Cenedlaethol Plant mewn Angen ar gyfer y BBC yng Nghymru, yn dilyn cyfnod fel Prif Weithredwr yr elusen Tenovus.

Daw'n wreiddiol o Aberpennar a dysgodd y Gymraeg tra'n ddisgybl ysgol ym Merthyr Tudful.

Erbyn hyn, mae’n byw yng Nghaerdydd.

------------------------------------------------------------------------------------

Catherine Rees

CATHERINE REES

Catherine Rees yw Cyfarwyddwr Adnoddau Menter a Busnes. Yn wreiddiol o Lanelli mae’n parhau i fyw a gweithio yn yr ardal.
--------------------------------------------------------------------------------

Rhiannon Walters

RHIANNON WALTERS

Penodwyd Rhiannon Walters i'r Bwrdd ym mis Ebrill 2000, ac fe'i hail-penodwyd am dair blynedd pellach yn 2003.

Mae'n athrawes Cymraeg ail-iaith i blant ysgolion cynradd yn ardal Sir Gaerfyrddin, ac mae hefyd yn dysgu Cymraeg i oedolion.

Mae'n byw yn Llangadog yn Sir Gaerfyrddin.

Bu'n gadeirydd Mudiad Ysgolion Meithrin, a hi yw dirprwy gadeirydd presennol Menter Bro Dinefwr. Mae'n llywodraethwr yn Ysgol Uwchradd Llanfair-ym-Muallt, ac yn aelod o Bwyllgor Sefydlog yr Eisteddfod Genedlaethol.

--------------------------------------------------------------------------------

Colin Williams

COLIN WILLIAMS

Penodwyd Colin Williams i'r Bwrdd ym mis Ebrill 2000, ac fe'i ail-benodwyd ym mis Ebrill 2003.

Mae'n Athro ymchwil mewn Sosio-ieithyddiaeth yn Adran y Gymraeg, Prifysgol Caerdydd, ac mae hefyd wedi treulio amser yn dysgu mewn prifysgolion yng Nghanada, Lloegr a'r UDA.

Mae'n awdurdod ar gynllunio ieithyddol ac yr oedd yn gyd-awdur Y Cynllun Ymchwil Cymunedol, a gomisiynwyd gan y Bwrdd, ynghyd â thoreth o gyhoeddiadau eraill ar gynllunio ieithyddol.

Bu hefyd yn cynghori llywodraethau yn Ewrop a Chanada ar ddatblygu ieithoedd lleiafrifol.

---------------------------------------------------------------------------------

Elin Wyn

ELIN WYN

Yn wreiddiol o Gaerdydd, mae Elin Wyn yn parhau i fyw a gweithio yn y ddinas. Yr oedd yn newyddiadurwraig gyda BBC Cymru ac yn Bennaeth swyddfa’r BBC yn y Cynulliad. Sefydlodd gwmni hyfforddi i ddarparu hyfforddiant newyddiadurol a chyfryngol yn Gymraeg a Saesneg.